ភ្នំពេញ : នៅថ្ងៃទី១៥ ខែឧសភា ឆ្នាំ២០២១ រដ្ឋបាលរាជធានីភ្នំពេញបានជូនដំណឹងអំពីការបើកយុទ្ធនាការចាក់វ៉ាក់សាំងកូវីសែល (Covishield) សម្រាប់ដូសទី២ ដែលទទួលបានអាជ្ញាប័ណ្ណផលិតពីក្រុមហ៊ុន AstraZeneea។

លេខាធិការដ្ឋាននៃអនុគណៈកម្មការចំពោះកិច្ចចាក់វ៉ាក់សាំងកូដ-១៩ ក្នុងក្របខណ្ឌទូទាំងរាជធានីភ្នំពេញ បានអោយដឹងថា៖ ការចាក់វ៉ាក់សាំងកូវីសែល (Covshield) ដូសទី២ អាចចាក់បានក្នុង អំឡុងពេលពី០៨ ទៅ ១២សប្តាហ៏ បន្ទាប់ពីការចាក់វ៉ាក់សាំងកូវីដែលដូសទី១។

លេខាធិការដ្ឋាននៃអនុគណៈកម្មការចំពោះ កិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងរាជធានីភ្នំពេញ បានចាប់ផ្តើមចាក់វ៉ាក់សាំងកូវីសែលដូសទី១ ជូនប្រជាពលរដ្ឋអាយុចាប់ពី៦០ឆ្នាំ នៅក្នុងរាជធានីភ្នំពេញ កាលពីថ្ងៃទី០៤ ខែមីនា ឆ្នាំ២០២១ រហូតដល់ថ្ងៃទី២២ ខែមេសា ឆ្នាំ២០២១។

យោងតាមពេលវេលាកំណត់អ្នកដែលបានចាក់វ៉ាក់សាំងកូវីសែល ដូសទី១ទាំងអស់ នឹងត្រូវដល់ពេលចាក់ដូសទី២ ជាបន្តបន្ទាប់ នៅដើមខែឧសភា ឆ្នាំ២០២១។

ដូចនេះលេខាធិការដ្ឋាននៃអនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងរាជធានីភ្នំពេញ និងបើកយុទ្ធនាការចាក់វ៉ាក់សាំងកូវីសែលដូសទី២ ចាប់ពីថ្ងៃទី០៦ ខែឧសភា ឆ្នាំ២០២១ រហូតដល់ថ្ងៃទី១៨ ខែមិថុនា ឆ្នាំ២០២១៕